Innrita

Spennandi fyrilestur fyri foreldrum og lærarum

X

              
Ringitíðir:

1. tími08.00-08.45
2. tími08.45-09.30
Fríkorter09.30-09.50
3. tími09.50-10.35
4. tími10.35-11.20
Eta11.20-11.35
Fríkorter11.35-11.45
5. tími11.45-12.30
6. tími 12.30-13.15
Fríkorter 13.15-13.25
7.tími 13.25-14.10
8.tími 14.10-14.55



Telefonir í Tvøroyrar- og Trongisvágs skúla:


Skrivstovan371582
Telefax Tvøroyri372430
Telefax Trongisvágur372362
Førleikastovan371582



Leiðsla:




Finn Thomsen, skúlastjóri

Jón Johannesen, varaskúlastjóri

Bjørg Hofgaard, deildarleiðari




Førleikastovan:
​​


Anna Elisabeth Thomsen, leiðari
Karin M. Thorsteinsson, leiðari, AKT-lærari
Annika Jespersen, vanligur limur, serlærari 

og støddfrøðisvegleiðari
Bjørg Hofgaard, orðblindalærari
Nita Næs, Lesivegleiðari
Hildur Fjørdal, støddfrøðisvegleiðari 

Skúlavegleiðing:

Annika Eidesgaard
Martin S. Eidesgaard
        

           

Tvøroyrar skúli
Kirkjubrekkan 3, 800  Tvøroyri
tvo@skulin.fo

Trongisvágs skúli
Smærugøta 7, 826 Trongisvágur
​tvo@skulin.fo


Copyright © 2016 Tvøroyrar skúli.


Spennandi fyrilestur fyri foreldrum og lærarum

Lagt út hevur: Rúna  Hovgaard   tann: 23.01.2018

Spennandi fyrilestur fyri foreldrum og lærarum

Týsdagin 16. januar var eitt áhugavert tiltak í Suðuroynni. Øll skúlastýrini í oynni høvdu sligið seg saman um ein felags fyrilestur, sum var fyri bæði starvsfólk í skúlunum og foreldur, sum hava børn í skúlaaldri. Fyrilestrahaldarin var Jens Andersen sálarfrøðingur, rithøvundur og fyrilestrahaldari úr Danmark. Jens hevur nógvar royndir sum sálarfrøðingur og undirvísari, og hevur m.a. arbeitt innan fyri PPR (Sernám) og serskúlaøkið í Danmark. Hesi seinastu árini hevur hann undirvíst á hægri lærustovni í Norður Jútlandi. Tað er tó serliga gjøgnum sítt arbeiði í PPR, at hann hevur fingið eina stóra fakliga vitan um arbeiðið við børnum/ungum í skúlahøpi.

Tann fyrri fyrilesturin var fyri fakfólki, ið starvast við skúlabørnum – lærarum, námsfrøðingum, stuðlum og hjálparfólki. Hesin fyrilestur var hildin í skúlanum í Trongisvági, og evnið var ”Det gode forældresamarbejde”. Serligan dent legði Jens á, tá ið hetta samstarv gerst trupult, og kom við nógvum dømum frá sínum egna arbeiðslívi. Hann hevði nógvar hugleiðingar og vegleiðingar um, hvussu fakfólk kunnu handla, tá ið tey koma í truplar støður. Lærarir úr øllum fólkaskúlunum í Suðuroynni vóru við til hendan fyrilestur, sum var bæði læruríkur og skemtiligur.

Sama kvøldið var fyrilestur hildin fyri foreldrunum. Hesin fyrilestur varð hildin í Skúladeplinum í Hovi, og hesaferð var evnið ”Forældrenes betydning for børns fællesskaber, robusthed, trivsel og læring i institutioner og skoler”. Aftur her brúkti Jens nógv dømir úr sínum egna arbeiðslívi, og fortaldi bæði álvarsamt og skemtiliga, hvussu hann hevði upplivað og handfarið ymiskar støður frá sínum gerandisdegi. Hann legði m.a. dent á, at vit foreldur hava størstu ábyrgd at læra børnini okkara at vera góðir floksfelagar og næmingar, og kom við dømum uppá, hvussu vit sum foreldur kunnu hjálpa okkara børnum at fáa ein jaligan hugburð.

Sum nevnt, so vóru tað skúlastýrini í oynni, sum skipaðu fyri tiltakinum, og kommunurnar í oynni, sum hava stuðlað tiltakinum fíggjarliga. Tað er ongin ivi um, at Jens er ein royndur fyrilestrahaldari, sum fangaði áhoyrararnar frá fyrsta setningi. Hann hevði nógvar hugvekjandi hugleiðingar um t.d. hvussu vit foreldur kunnu vera saman við okkara børnum, og hansara styrki er, at hann ber fram sín boðskap á ein skemtiligan og skilligan hátt.  Samanumtikið má sigast, at tiltakið eydnaðist sera væl.

Eftir fyrilesturin legði forkvinnan í skúlastýrinum ársfrágreiðingina fram fyri foreldrunum hjá børnunum í Tvøroyar og Trongisvágs skúla. Ársfrágreiðingin er somuleiðis at finna á heimasíðu skúlans.

 

Vegna Skúlastýrini í Suðuroynni

Annika Jónsveinsdóttir

Aftur