Boð og tíðindi

Minnist til at taka allar skúla -og bókasavnsbøkur við mánadagin!

Í morgin 11. juni er ætlanin at fara vestur í Botnskarð. Bussarnir byrja at koyra úr Tv. skúla kl 8:15. Matpakka við.

Í morgin 10. juni er aftur skúlafótbóltur á skránni. Tey, ið manna liðið, skifta í Trgv. skúla, áðrenn tey fara suður við bussi kl 11:00.

Í viku 24 er ikki vanlig skúlaundirvísing. Hon er løgd soleiðis til rættis, at flokkarnir fara rundferðir til ymisk søgulig og  jarðfrøðiliga serstøk pláss í sóknini. Á ymsu plássunum verða frásøgufólk. Verið klødd eftir veðrinum og takið matpakka við.

Skúladagurin byrjar kl 8:00 og endar kl 12:00.


Eru boðin yvir á SALT í morgin 3. juni. Bussurin koyrir úr skúlanum kl. 10:45

Skúladagurin endar aftaná vitjanina í SALT uml. 12:00.


Tímatalvan er skipað í 2 blokkar. Hvør blokkur er 2 skúlatímar. Næmingarnir fara heim kl 12:00 hvønn dag.

Broyting er framd í enskum, soleiðis at Súsanna Mortensen hevur tikið yvir tímarnar.

Skúlin letur upp kl 7:50, og næmingarnir fara nú inn gjøgnum eystaru dyrnar tætt við skúlakøkin.

Tað ber ikki til at lána ting ímillum sín, so næmingurin má hava tað við, sum honum tørvar til lærugreinarnar.

Matpakkarnir skulu vera einfaldir, so til ber at eta úti, um veðrið loyvir tí.

Foreldur hava framvegis ikki loyvið at fara inn í skúlan eftir børnunum.

Sí annars kunningarskriv skúlans á heimasíðuni.



Poul B. Olsen, tlf 211971

Anna Thomsen, tlf 263063

Súsanna Mortensen

 



 

Sova í skúlanum

Tórsnáttina til fríggjamorgun ætla vit at sova í skúlanum. Vit møta kl 19:00 við soviposa og undirlagi. Anna og Mariann vera við at hjálpa til við spølum og øðrum, soleiðis at kvøldið verður so hugnaligt sum gjørligt. Meira kemur seinni... 



Lagt út 10/2-20


Góðu foreldur.

Um næmingar ikki skulu gera ítrótt ella svimja, skulu foreldur boða læraranum frá


28/1-20 - AT


Pangea støddfrøði kapping

Góðu foreldur og næmingar

Aftur í ár hevur Tvøroyrar skúli fingið innbjóðing til at vera við í Pangea støddfrøðikapping. Tvøroyrar skúli hevur verið við í 3-4 ár, og hava vit fingið nógv góð úrslit :) og nógvar góðar upplivingar. Fleiri eru komin heilt í finaluna :)

Innleiðandi kappingin verður uml. 5. – 7. februar

½-finalan verður í Vágs skúla 14. februar (í fjør var hon í Tv. skúla) og endaliga finalan verður í Norðurlandahúsinum 16. mai.


Ongin skal føla seg kroystan henda dagin, kappingin verður, tí ongin í flokkinum fær at vita, hvussu hevur gingist tí einstaka, uttan onkur kemur víðari í kappingini, so kunnu vit øll gleðast um tað.

Uppgávurnar eru væl øðrvísi enn tær, vit arbeiða við í bókini. Tær  eru heldur stuttligari og  ”problemloysandi”, og ein kann koma langt við at útiloka møguleikum, tí vanliga eru 4 svarmøguleikar.

Ein sera spennandi avbjóðing.


Tað ber VÆL til at venja her :)

https://drive.google.com/drive/folders/1ReJK4h9w_n_Q9znf8SDGEZtDf2GB1w1p?fbclid=IwAR2QuIwvvcgCLiDJciolurlaum1QQf1cy0VXdP_PxwizpJeN9AHbi5fM1b0


Vinarliga

Anna

_________________________________


í morgin 12. des er opið hús frá kl 16:00 til kl 19:00, har øll fáa høvi til at vitja pyntaðu stovurnar og síggja lutirnar, ið næm. hava gjørt á verkstøðunum.

Jólaevnisvika. Frá 9. des til 13. des verður arbeitt í bólkum á ymsum verkstøðum. Ikki er neyðugt at hava skúlatasku við, men eitt vælútgjørt pennahús og matpakka.

Skrivað 27. november 2019 - PO

Minnist til at taka ein pakka við til pakkakalendaran. Kostnaður: Ikki dýrari enn 40,-


Ítróttur: Við tað, at Otto nú er settur í starv sum varaskúlastjóri, eru broytingar framdar, soleiðis at Estrid Kristensen lesur ítróttartímarnar restina av skúlaárinum.

Skrivað 19. november 2019 - PO

21. og 22. november eru settir av til at pynta stovuna. Ikki er neyðugt at taka taskuna við, men eitt vælútgjørt  pennahús ístaðin.

Skrivað 16. september 2019 - AT

Hey :o)

Nú fara vit at enda arbeiðið við vinkulmátara á hesum sinni, men áðrenn vit leggja tað á hillina, so hava næmingarnir fingið eitt heimagjørt hefti við heim, sum skal latast inn aftur tann 1. oktober. Vit hava avtalað, at tey gera minst 10 av uppgávunum. Ongantíð betur, um tey gera allar uppgávurnar ;o)

Viðvíkjandi emat: Vit hava avtalað, at tey fáa emat uppgávur at rokna til hvønn tórsdag, men tað byrjar ikki fyrr enn heftið við teimum omanfyristandandi uppgávunum eru latið inn.


Skrivað 26. august 2019 - AT

Kunnu tit vinarliga kanna um tykkara barn hevur alt í penahúsanum, sum eigur at vera í

Blýantar, viskileður, linjál, blýantsspískara.

Eisini verða tey biðin, sum ikki hava keypt roknihefti enn, um at keypa tað beinanvegin.

Øll verða eisini biðin um at hava vinkulmátara við í skúla frá tórsdegnum 29. august.




 

Ment, forritað og sniðgivið hava appnet