Flokkar

Boð og tíðindi

21/8-2019:

Góðu næmingar og foreldur ;-)

Vælkomin í 7. flokk!!! Tíðin flýgur avstað, og tað er ótrúligt, at tykur longu eru í 7. flokki. Mariann Mohr Mortensen, Thordar Garðshamar og Poul Olsen eru nýggir lærarar í flokkinum, og eg ivist ikki í, at tykur fara at taka væl ímóti teimum ;-)

Alis-/evnafrøði, samfelagsfrøði og landafrøði skulu tey hava á fyrsta sinni í ár.

Tað er umráðandi, at tann góði tónin eisini verður hildin í 7. flokki. Tykur eru øll fitt, røsk, hjálpsom og umhugsin. Hetta er umráðandi, fyri at flokkurin skal hava tað gott saman, og tí arbeiða okur eisini við hesum tingunum av og á í flokkinum.

Tað er umráðandi, at øll gera síni skúlating, so tey føla seg fyrireikaði, tá tey møta í skúlanum um morgunin. Eisini er tað umráðandi, at tey minnast til at hava røttu bøkurnar við, pennahúsið, matpakka, dunk og alt, ið hoyrir til vanliga skúladagin. Eisini er umráðandi, at næmingarnir siga frá, um eitthvørt er áfatt, t.d. um tey ikki hava tað gott ella ikki skilja undirvísingina.

Um spurningar eru, eru tykur altíð vælkomin at seta tykum í samband við lærararnar í flokkinum. Telefon nr. hjá lærarunum í flokkinum eru upplýst undir tímatalvuni.

Vinarliga,

Mariann Mikkjalsdóttir