Boð og tíðindi

17/1-20 - AT

Góðu næmingar

Týsdagin 21. januar bjóðar Ráðið fyri ferðslutrygd 8. flokkunum norður til Havnar til ein dag um ferðslutrygd.

Smyril siglur kl. 07.00, og verða tit øll biðin um at møta kl. 06.45. Vit taka ímóti tykkum uppi á á farstøðini. Smyril siglir suður aftur kl. 19.00

Vit skulu hava ein góðan matpakka við!

Møguliga fara vit at vitja eitt arbeiðspláss, bowla ella líknandi, tá dagurin hjá RFF er liðugur. Nærri um hetta mánadagin.

 

Skráin fyri dagin hjá RFF er henda:

Tíð                    Evni

09.30                Vælkomin J

09.35                Ferðslan í Føroyum – koyrilærari

10.10                Arbeiðsdagur í ferðsluni – Løgreglan

10.40                Steðgur við jogurti

10.55                Ferðsluvanlukkur – Ambulansutænastan

11.30                Matpakkar og MBM-kakaomjólk

12.00                Vit grunda, kjakast og taka støðu

12.50                Steðgur

13.00                Tá vanlukkan rakar – avvarandi

13.30                Steðgur

13.40                Rúsdrekkabrillur

14.00                Eftirmeting næmingar

14.20                Glóð og farvæl – ansið eftir hvør øðrum!

14.30                Liðugt


Gott nýggjár.

Um skúlagongdin verður avlýst fyri veður, verður sagt frá áðrenn kl. 7.00 á morgni. Boðini verða givin á heimasíðu skúlans inni á “skundboð”

Foreldur og næmingar verða biðin um at hyggja á heimasíðuna og kunna seg um støðuna.

6/1-20 - AT

Hey tit og gott nýggjár. 

Tit verða vinarliga biðin um at fylgja við á heimasíðu skúlans teir komandi tveir dagarnar, nú veðurforsøgnin er so vánalig.

Verður skúlagongdin avlýst vegna veður, so koma skundboð kl. 07.00 á síðuna.



17/12-2019 - AT

Onsdagin 18/12-2019 møta tit í skúlanum kl. 10.30

Guðstænasta kl 11.00

Eftir guðstænastuna fáa tit karakterblað




Skrivað 28/11-2019 - AT

Boð frá telduvørðinum til tykkum foreldur og næmingar, sum brúka egna teldu til jólaroyndina.

Telduvørðurin viðmælir staðiliga, at tit "downloada" Office á sjálva telduna áðrenn jólaroyndina. Orsøkin er, at tá so nógv fólk arbeiða online í senn á sama neti, kunnu seinkingar koma fyri, og tað kann órógva, tá tey skriva stíl o.a. Um tit "installera" Office, so er broytingin tann, at tá verður arbeitt beinleiðis á sjálvari telduni og ikki beinleiðis á netinum. Hetta skuldi gjørt tað lætt og skjótt at skriva stílin. Stílurin verður latin inn via Office/Wiceflow online, og tað fáa tey vegleiðing um, tann dagin tey eru til roynd. Kunnu tit vinarliga minna tey á/hjálpa teimum at "innstallera" Office áðrenn mánadagin í komandi viku. Fáa tit tað ikki at rigga, má næmingurin taka telduna við í skúla mánadagin, so Páll kann hjálpa teimum, um neyðugt. Skúlateldurnar, sum næmingar brúka, sum ikki hava egna teldu, hava allar Office. So tað skulu tey ikki hugsa um.



Skrivað 21/11-2019 - AT

Sunnudagin verður so jólatræið tendrað, og skulu tit møta soleiðis.

Kl. 16.00: Tey, sum eru jólamenn, møta á kommunuskrivstovuni.

Kl. 16.30: Restin av flokkinum møtir á bygdasavninum. Tey skulu bjóða fólkinum kakao og bollar

Í dag hava øll, sum vóru í skúla, fingið tveir pakkar av kakao við sær heim. Sunnudagin skulu øll hava hitað hesir pakkarnar og skulu hava teir við til jólahaldið í termokannum. Tvær termokannur í part.

Eisini skulu allir næmingarnir hava eitt kilo av bollum við sær, tá tey møta sunnudagin.

Um ein ikki kann vera við sunnudagin, verður viðkomandi biðin um at siga frá sum skjótast. Eisini skal viðkomandi fáa onkran annan at koma við kakao'num og bollunum, so at tað ikki manglar. 

Tað verður væntað at øll møta og koma við kakao bollum.


Skrivað 16/11-2019 - AT

Viðv. seturskúlaferðini í vár og jólahaldunum hjá kommununi:

Av tí at vit skulu avstað tann 28. apríl, og vit skulu hava goldið ferðina til ferðaskrivstovuna í februar, verður freistin fyri at hava goldið tær kr. 11.000,- á flokskontuna sett til tann 1. februar 2020.

Tá skulu ØLL vera liðug at gjalda

Um tað er onkur næmingur, sum av einari ella aðrari orsøk ikki ætlar sær við, skal viðkomandi boða flokslæraranum frá áðrenn 1. februar, tí annars er ikki møguligt at fáa peningin aftur.


Flokkarnir eiga eisini "tørn" at hjálpa til við jólahaldunum hjá kommununi í ár.

Í komandi viku skulu flokkarnir oman á kunningarstovuna, at hjálpa til við at gera slikkpakkarnar, sum verða deildir út til børnini. Vit vita ikki enn, hvønn dag tað verður.

Tann 24. november verða jólatrøini í kommununi tendraði. Tá verður heitt á foreldrini hjá øllum næmingunum um at baka eitt kg av bollum, og at hava 2 termokannur av heitum kakao við sær. Kakaomjólkina fáa vit frá kommununi. Nakrir næmingar ganga runt og bjóða kakao og bollar, meðan aðrir næmingar eru jólamenn.

Til jólahugnan í plantasjuni, sum verður leygardagin 7. desember, skulu næmingarnir bjóða kakao og bollar. Kanska skal onkur vera jólamaður, men tað er ikki sikkurt enn. Tá letur kommunan bæði kakao og bollar, so vit skulu bara hita kakao áðrenn vit møta. Skulu hava tvær termokannur hvør við.

Fyri hetta fáa tey eina góða samsýning frá kommununi. Væntað verður, at øll møta. Um ikki ber til at møta, mugu tit boða frá og fáa onnur at koma við tí, sum tit skulu koma við.


Skrivað 14/11-2019 

Góðu foreldur,

Vit hava saknað tónleik og sang sum part av tímatalvuni í okkara skúla! Tað gleðiliga er, at skúlin hevur fingið eitt tilboð frá musikkskúlanum um at hava sangundirvísing við Guðrun Sólju Jacobsen, og hava vit sagt ja-takk til tilboðið. Hetta er ein royndarverkætlan í 8. og 9. flokki í november og desember, og er sangundirvísingin løgd 7. tíma týsdag.

Tíverri er hetta komið rættiliga seint í lag, og hevur tað sostatt við sær, at tímatalið er økt við einum tíma. Vónandi taka allir partar væl undir við hesum tiltaki.

Vh Leiðslan


Skrivað 30/10-2019 - AT :o)

Góðu næmingar og foreldur

Sum kunnugt, er Otto settur sum varaskúlastjóri í Tvøroyrar skúla.

Hetta kemur á ávirka 8.a., tí hann kemur ikki framhaldandi at hava flokkin í donskum og lívfrøði. Tó heldur hann fram við ítróttartímunum og á kost- og rørslubreytini.

Annika Eidesgaard kemur at hava flokkin í donskum, og Dávið Jacobsen kemur at hava flokkin í lívfrøði.

Vónandi taka bæði næmingar og foreldur væl ímóti teimum. 


Eisini skrivað 30/10-2019 - AT :o)

Foreldraviðtalur verða onsdagin 6/11-2019 kl.16. Um tað ikki liggur fyri hjá onkrum at møta til ásettu tíðirnar, so vinarliga býtið um tykkara millum.

Kl.16.00-16.40: Óli - Arina - Stina - Denni

Kl.16.40-17.20: Súsanna - Bjarta - Leon Gunnar - Katrin

Kl.17.20-18.00: Tóti - Poul Arni - Maria - Olivur

 

Skrivað 30. august 2019 - AT

Góðu foreldur, kunnu tit gera okkum lærarum tann beina at siga frá, tá ið barn tykkara ikki kemur í skúla. Annars skal eg minna á, at um barn tykkara skal hava fri úr skúlanum í fleiri enn tveir dagar, vendið tykkum til skúlastjóran. Tit hava skyldu at boða skúlanum frá, um barnið ikki kemur í skúla, antin tað er av sjúku ella feriu.


Skrivað 26. august 2019 - AT

Felags foreldrafundur verður tann 4. sept. 2019 kl. 18 í floksstovuni 

Foreldraviðtalur verða tann 6. november 2019 frá kl. 16

Foreldraviðtalur eftir ynski frá foreldrunum verða tann 5. februar 2020 (hesir fundir skulu umbiðast eina viku áðrenn)




Flokslærari:

Anna Thomsen (263063)

Hini í toyminum eru:

Finn Thomsen

Otto Gram

Jean Dimon



 

Ment, forritað og sniðgivið hava appnet