Foreldrafundur og fyrilestur

Felags foreldrafundur og SPENNANDI fyrilestur verður í skúladeplinum í Hovi 16. januar kl. 19.00.

Forkvinnan í skúlastýrinum á Tvøroyri, Annika Jónsveinsdóttir, skrivar :

So er tíðin komin til at bjóða tykkum øllum til tann árliga felags foreldrafundin, sum skúlastýrið skipar fyri. Í ár verður fundurin og fyrilestur á Skúladeplinum í Hovi.

Byrjað verður við einum spennandi fyrilestri við Jens Andersen sálarfrøðingi úr DK.

Jens Andersen er ein kendur fyrilestrahaldari, og hevur hann fyrr verið í Føroyum og hildið fyrilestur. Hann dugir sera væl at greiða frá, og ger hetta uppá ein sera innlivandi og skemtiligan hátt.Sí viðheftu veggmynd/planchu, har fyrilesturin er nærri lýstur.

Hesin fyrilestur er eitt samstarv millum øll skúlastýrini í oynni, og eru øll foreldur at skúlabørnum í Suðuroynni boðin við.

Aftaná fyrilesturin verður ein lítil steðgur, og síðani fer forkvinnan í skúlastýrinum at leggja ársfrágreiðingina fram fyri foreldrunum her á staðnum.

Vónandi fáa vit eitt hugnaligt, skemtiligt og læruríkt kvøld saman!

Plansja um fyrilestur.

Vegna skúlastýrið

Annika Jónsveinsdóttir, forkvinna

​