Fyrireika jólamarknaðin

Skrivað hevur: Rúna  Hovgaard   tann: 09.12.2016   

Mánadagin 12.desembur og til tórsdagin 15.desembur fara næmingarnir í Tvøroyrar- og Trongisvágs skúla undir at fyrireika jólamarknaðin, sum verður í Tvøroyrar skúla tórsdagin frá kl.16.00-19.00. Nógv verður at fáa til keyps, og øll eru hjartaliga vælkomin at leggja leiðina framvið.

Ágóðin til Suðuroyar Ellis- og Røktarheim.

Tá jólamarknaðurin var í 2015, varð ágóðin, kr.25.000, latin Í menniskjum góður tokki. Í ár hava næmingar og lærarar gjørt av at lata Suðuroyar Ellis-og Røktarheimi ágóðan av tiltakinum. Umboð fyri næmingaráðið handar einum búfólki á Ellisheiminum peningagávuna á jólahaldinum, sum verður í Trongisvágs skúla mánakvøldið 19.desembur kl.18.30. Peningurin verður oyramerktur, og hvat peningurin skal brúkast til, verður kunngjørt tað kvøldið.

Vitja +80 á Tvøroyri.

Ta vikuna, fyrireikað verður til jólamarknaðin,helst tórsdagin 15.desembur, fara eldru næmingar í Tvøroyrar skúla eisini út at vitja øll tey á Tvøroyri, sum eru 80 ár og eldri. Við sær hava tey okkurt søtt til góman, og eisini ætla tey at fáa eitt prát við tey eldru um leyst og fast.

​​

Aftur

 

Ment, forritað og sniðgivið hava appnet