Næmingaráðið fingið gávu

Skrivað hevur: Finn Thomsen   tann: 12.12.2016   

Í sambandi við greytardagin fríggjadagin 9/12 nýtti mentanarnevndin í Tvøroyrar kommunu høvið at vitja skúlan.

 Í hesum sambandi bar forkvinnan, Anita Vibergsdóttir, fram heilsan til næmingar og lærarar í skúlanum.

Hon takkaði næmingaráðnum fyri tann væleydnaða trivnaðardagin fyrr í ár, og sum tøkk fyri hetta handaði hon næmingaráðnum tveir málningar, ið Ýr Ákadóttir, næmingur í skúlanum, hevur málað.

Tvøroyrar skúli setti sær fyri at fáa næmingaráðið upp at koyra aftur skúlaárið 2014/15, og tað hevur eydnast væl. Hvørt ár velja næmingarnir nýtt næmingaráð, og tískil er sitandi næmingaráð tað triðja í røðini. Tey bæði undanfarnu næmingaráðini hava verið á vitjan í mentanarnevndini, og eftir ætlan vitjar núverandi næmingaráð kommununa fyrst í komandi ári.

Aftur

 

Ment, forritað og sniðgivið hava appnet