Størv

Lagt út hevur: Rúna  Hovgaard   tann: 03.05.2017   

Hesi 5 tíðaravmarkaðu størvini eru leys at søkja í Tvøroyrar skúla

 

 

Lærarar skúlaárið 2017/2018

 5 lærarar í tíðaravmarkað starv

Hesi fimm størvini eru vegna lækkað tímatal, serligan tørv, farloyvi og avlopstímar.

Eitt av hesum tíðaravmarkaðu størvum fær endaliga ásett tímatal 1.sept.2017.

 

Søkt verður eftir lærarum  sum

• duga væl at samstarva og samskifta

• vilja menna seg sjálvan og skúlan

• sýna næmingum og undirvísing sín eldhuga

• vilja fevna ymiskleikanum og styrka felagskapin

 

Førleikakrøv:

Læraraútbúgving og linjulestur ella samsvarandi førleika í nevndu  lærugreinum:

1.       Týskt í hádeild

2.       Støddfrøði  í mið/hádeild

3.       Heimkunnleika

4.       Tímar í serflokki

 

 

Lønar- og setanartreytir:

Lærarastørvini verða sett sum sáttmálasett størv, uttan so er, at tann, sum settur verður, er tænastumannasettur lærari frammanundan.

Lærarastørvini eru lønt í lønarflokki 18.1 – 29.2 sambært avtalu millum Fíggjarmálaráðið og Føroya Lærarafelag.

Umsóknir

Umsóknir við cv og avriti av prógvum og møguligum ummælum skulu vera skúlastjóranum í hendi í seinasta lagi ónsdagin 17.mai 2017 kl.12.00

Nærri kunning um størvini fæst við at ringja til

Finn Thomsen, skúlastjóra, á tlf.214955 í skrivstovutíð. (Sí heimasíðu skúlans tvoroyrarskuli.fo

Eisini ber til at senda teldupost til : finn.thomsen@skulin.fo

Tvøroyrar skúli er skipaður sum tveir skúlar, Trongisvágs skúli og Tvøroyrar skúli, har innskúlingin fer fram í Trongisvágs skúla, og mið- og hádeildin er í Tvøroyrar skúla. Tey bæði seinastu árini hevur býráðið og skúlastýrið í samstarvi við skúlaleiðsluna gjørt munandi ábøtur og dagføringar á skúlan, og tað arbeiðið heldur fram, inntil skúlin lýkur øll krøv til nútímans undirvísing.

Umframt neyðug flokshøli og serstovur er skúlin tøkniliga væl útgjørdur. Samvirknar talvur eru í øllum skúlastovum og í fleiri serhølum, skúlin er hampiliga væl útgjørdur við teldum til næmingarnar, og internetsamband er í øllum skúlanum. Av bókum til flokkarnar hava vit alt tað nýggjasta, ið er útkomið á føroyskum, umframt tað, ið tørvur er á av útlendskum tilfari. Trongisvágs skúli hýsir eisini frítíðarskúlanum, útibarnagarðinum og dagrøktini og er granni við barnagarðin Mýrifípuna. Hesir stovnar og skúlin hava eitt ávíst samstarv.

 

 

Aftur



 

Ment, forritað og sniðgivið hava appnet