Minnist til endurskin ella endurskinsvestar.

Hesa myrku ársins tíð hevur tað stóran týdning at brúka endurskin. Endurskin bjarga mannalívum, ongin ivi er um tað.

Tá barnið fer í skúla og út í ferðsluna um morgnarnar hesa ársins tíð, er tað myrkt úti, og tí er ógvuliga týdningarmikið, at børnini brúka endurskin ella endurskinsvestar.

Minnist eisini til, at bæði børn og vaksin eiga at hava endurskin, tá farið verður út í ferðsluna myrku vetrarkvøldini.