Allir skúlar í Føroyum hava ella eru knýttir at eini skúlavegleiðing, ið eitt nú hevur til uppgávu at kunna næmingar um teirra framtíðarmøguleikar umframt at taka sær av starvsvenjingini hjá 9. og 10. flokkunum.
Her á undirsíðunum ber til at finna kunning um sjálva skúlavegleiðingina, um møguleikar eftir loknan fólkaskúla, um starvsvenjing og at síggja myndir, ið hava okkurt tilknýti at skúlavegleiðing og/ella starvsvenjing.
Tvøroyrar skúli hevur skúlavegleiðing, ið millum annað hevur til endamáls at stuðla og vegleiða næmingum í vali av lærugreinum í framhaldsdeildini, starvsvenjing í 9. og 10. flokki og ymiskum møguleikum, ið næmingarnir hava, tá fólkaskúlin er liðugur eftir 9. ella 10. flokk.
Vegleiðingin og ráðgevingin verða skipað sum felags undirvísing, ráðgeving og leiðbeining fyri bólkar og sum einstaklingaráðgeving/leiðbeining.
Skúlavegleiðari í Tvøroyrar skúla er Annika Eidesgaard, tlf. 22 29 20.
Sambært kunngerð fevnir skúlavegleiðingin um:
Lærugreina- og breytatilboð skúlans
Møguleikar at lúka undirvísingarskylduna
Skipan, upptøkukrøv, møguleikar o.a. í útbúgvingarverkinum
Vinnu- og arbeiðsmarknaðarviðurskifti
Útbúgvingar- og virkisætlan fyri tann einstaka
Vegleiðing til næmingar við serligum tørvi
Vegleiðing í samband við, at næmingur fer úr skúlanum í ótíð.
