Summir næmingar velja at fara í 10. flokk, meðan aðrir velja at fara á eftir- ella háskúla. Summir fara beinleiðis á miðnámsskúla, summir í læru, meðan aðrir fara at royna seg á arbeiðsmarknaðinum í eitt ár ella longri. Óansæð hvat ein hevur hug til, so er tað týdningarmikið, at ein ger sær nakrar tankar, tá fólkaskúlatíðin er við at vera av.
(Freistir og aðrar upplýsingar niðanfyri eru skrivaðar í februar 2024)
MIÐNÁMSSKÚLAR (gymnasialt- og yrkisrættað miðnám)
Felags umsóknarblað til allar miðnámsskúlar í Føroyum við vegleiðing: https://innskriving.fo/
Felags faldarar um gymnasialu og yrkisrættaðu miðnámsútbúgvingarnar:
Miðnámsskúlin í Suðuroy bjóðar hug- og náttúrubreyt, FHS yrkisnám og búskaparbreyt (2 ár). Harumframt bjóðar skúlin í Grønulíð eisini eina serbreyt, ið er ætlað teimum við serligum avbjóðingum. Sí meira: http://www.midnam.fo
Heilsuskúli Føroya bjóðar tær at læra til heilsuhjálpara (yrkisrættað miðnám). Upptøka er 2 ferð árliga. Heilsuskúli Føroya bjóðar eisini útbúgving til námsfrøðihjálpara. Sí meira: http://www.heilsuskulin.fo
Glasir bjóðar gymnasialt miðnám (búskaðar-, fyrireikingar-, hug- og náttúrubreyt) og yrkisrættað nám (fyrireikingarár til miðnám, ser-, bil-, El-, hár-, timbur- og metallbreyt, klædnaatstøði, FHS yrkisnám, skrivstovuútbúgving við grein innan fyrisiting, tilvirkisatstøði, útbúgving innan heilsølu og smásølu) - umframt hægri nám! Sí meira: https://www.glasir.fo/
Tekniski skúlin í Klaksvík bjóðar gymnasiala tøknibreyt og yrkisnám (elektrikari, maskinsmiður, snikkari, timburmaður), matvøruútbúgving og serbreyt. Sí meira her: http://www.tsk.fo Harumframt húsast Klaksvíkar HF-skeið eisini á Tekniska skúla í Klaksvík. Sí meira her: https://kambsdalur.fo/klaksvikar-hf-skeid/
Miðnám í Vestmanna bjóðar eina tilfeingisbreyt, ið gevur almennan lestrarførleika til hægri lærustovnar á jøvnum føti við hinar gymnasialu breytirnar. Harumframt ber til at taka eina aliútbúgving, ið er eitt yrkisnám. Sí meira her: https://www.miv.fo/
Miðnám á Kambsdali bjóðar gymnasialt miðnám (búskapar-, fyrireikingar-, hugbreyt-, náttúrubreyt og norðuratlantiskan miðnámsskúlaflokk (sí meira niðanfyri)) og yrkis-miðnám (FHS yrkisnám). Sí meira her: http://www.kambsdalur.fo
Nú ber eisini til at taka eina norðuratlantiska miðnámsútbúgving:
Nógvir ymiskir eftirskúlar eru. Nógv føroysk ung ganga og hava gingið á eftirskúla; serliga í Danmark. Íblástur til danskar eftirskúlar: https://www.efterskolerne.dk/
