Í eina tíð hevur 10. flokkur selt lutaseðlar til eitt sera vakurt og sera stórt páskaregg, ið Mariann Mikkjalsdóttir, fyrrverandi flokslærari í flokkinum, hevur latið teimum, nú tey hava samlað pengar til eina ferð til Edinburgh í seinnu hálvu av apríl.
Páskareggið sjálvt var stoypt av 11 kilo av sjokulátu, og harumframt var alskyns góðgæti fylt í eggið. Okur tora at pástanda, at hetta er Føroya størsta páskaregg :-)
Í dag var endaspurturin, og í kvøld varð endiliga drigið um eggið. Spenningurin var stórur, og hepni vinnarin var Heidi Solmunde. Heidi gjørdist nakað bilsin, tá okur komu á gátt við stóra páskaregginum, ið var nakað væl størri, enn hon hevði væntað.
Okur ynskja Heidi hjartaliga til lukku við páskaregginum og takka henni og øllum tykum, ið hava keypt seðlar og stuðlað okum, hjartaliga.
Gleðiligar páskir :-)
10. flokkur
4
oct. 2023