Næmingaráðsval í mið- og hádeild 1. september

Eitt nýtt skúlaár merkir eisini, at okur skulu velja eitt nýtt næmingaráð :-) 

Í Tvøroyrar skúla hava okur havt næmingaráð í fleiri ár. Tað hevur verið ymiskt, hvat ymisku næmingaráðini hava arbeitt við, men tað hevur altíð verið spennandi. Endamálið hjá næmingaráðnum er at geva næmingunum eitt stað og høvi at tosa og kjakast um ymiskt, ið tey ynskja, vilja betra, broyta ella seta í verk og ávirka. Í stuttum gevur næmingaráðið næmingunum eina rødd, ið skal hoyrast. Sjálvandi ber ikki alt til, men nógv ber til!

Hvør flokkur (4.-10.fl.) velur tvey umboð í næmingaráðið. Allir næmingar í mið- og hádeildini kunnu stilla upp til næmingaráðsval.  

Freistin at boða tínum flokslærara frá, at tú hevur hug at stilla upp til næmingaráðið er týsdagin 25. august á middegi. Næmingaráðsvalið verður týsdagin 1. september! Okur gleða okum :-)