9. flokkarnir vitja Miðnámsskúlan

9. flokkarnir vitja Miðnámsskúlan

Í gjár vóru okra 9. flokkar og vitjaðu Miðnámsskúlan í Grønudali. Hvørt ár býður Miðnámsskúlin 9. flokkunum í Suðuroynni á vitjan, og endamálið er sjálvsagt at geva næmingunum innlit í tær gymnasialu útbúgvingarnar, tey kunnu bjóða okra ungu.

Lestrarvegleiðari á Miðnámsskúlanum byrjaði við eini kunning um sjálva skúlaskipanina, upptøkukrøv, lærugreinar, vanligu tiltøkini, næmingar og lærarar skipa fyri, um stuðul og annað viðkomandi.

Síðan fingu okra næmingar eina rundvísing á skúlanum. Tað vóru næmingar á Miðnámsskúlanum, ið tóku sær av hesum partinum.

Eftir matarsteðgin, har okur fingu ein góðan døgurða í kantinuni, var undirvísing á skránni. Í trimum bólkum sluppu 9. floksnæmingarnir at vitja tríggir ymiskir undirvísartímar:

• Lívfrøði, har næmingar, ið hava lívfrøði á hástigi, undirvístu um eygað, og hvussu okur kunnu síggja ymiskt, hóast okur hyggja at sama tingi.
• Enskt, har næmingarnir royndu at loysa eina uppgávu um týdningin av enskum orðatøkum.
• Búskaparfrøði, ið er lærugrein á FHS. Okur hoyrdu eitt sindur um, hvussu ymiskar fyritøkur eru uppbygdar, og ymiskt, ein skal hava í huga, um ein skal marknaðarføra eitthvørt.

Okur takka fyri ein góðan dag á Miðnámsskúlanum.