08.mar 2022
Lagt út hevur: Annika Eidesgaard
Hvørt ár bjóðar Miðnámsskúlin í Suðuroy 9. flokkunum í Hvalba, Vági og á Tvøroyri á kunningarvitjan. Endamálið er at greiða næmingunum frá gymnasialu útbúgvingunum, ið skúlin bjóðar: Hugbreyt, Náttúrubreyt, FHS Yrkisbreyt og Búskaparbreyt. Harumframt bjóðar skúlin eisini Serbreyt til næmingar við øðrvísi avbjóðingum.
Tiltakið byrjaði klokkan 10.00, tá lestrarvegleiðararnir, Niels og Dania, greiddu frá skúlaskipanini, áðrenn miðnámsskúlanæmingar vístu 9. flokkunum runt á skúlanum. Miðnámsskúlin bjóðaði góðan døgurða á middegi, so okur vóru mett og væl sett, tá seinni partur av kunningartiltakinum fór í gongd.
Okur fingu tvær frálíkar tónleikaframførslur, áðrenn ein næmingur úr hvørjari breyt greiddi frá ymiskum, ið sermerkir skúlan og tær ymisku breytirnar. Hetta var sera áhugavert at hoyra.
Eisini høvdu ymiskar lærugreinar gjørt eina lítla framsýning, ið 9. flokkarnir kundu ganga runt og kunna seg um.
Okur takka fyri í dag :-)
Flestu av okra 9. floksnæmingum avmyndaðir, meðan teir bíðaðu eftir bussinum eftir tiltakið. Nakað av vindi var, sum tykur nokk síggja :-)
apr. 2024