9.b vann ársins várkapping

9.b vann ársins várkapping

Eins og sigur er, hava okur sjálvandi aftur í ár havt eina várkapping, har flokkarnir í hádeildini skuldu dystast um steyp og eitt heiðurspláss á vegginum, har einans vinnararnir av undanfarnum várkappingum hanga.

Spenningurin var – sum altíð – stórur, og næmingarnir løgdu nógva orku í kappingarnar.

Kappingin varð skipað í tveimum, har fyrsti partur var í skúlanum úti á Tvøroyri og seinni partur í høllini í Trongisvági.

Í Tvøroyrar skúla vóru fimm ymiskir postar: Styvlakast, mánabilar, rullubretti, at bera ein viðarbul og ein kreativ myndaavbjóðing.

Í Trongisvági varð kappast í eini forðabreyt, hockey og blindaflogbólti.

Flokkarnir, ið vóru við, vóru: 8.a, 8.b, 9.a, 9.b og 10. flokkur.

Spenningurin var øgiligur, men tá stigini frá øllum kappingunum vóru tald saman, varð vinnarin kosin. Rómurin var stórur hjá 9.b, ið eisini vann várkappingina í fjør. 

Hjartaliga til lukku til 9.b - og stóra tøkk til allar næmingarnar úr øllum flokkunum fyri ein frálíkan dag! Gott vikuskifti :-) 

Myndir, ið lýsa dagin: https://tvoroyrarskuli.fo/imagegallery?Id=14291