Kattakongarnir eru krýndir, og føstulávintsbollarnir etnir :-)
Fríggjadagin, tá skúladagurin var um at enda, og flestu fóru heim í vikuskifti, fór næmingaráðið hjá okum til verka. Tey kliptu og límaðu, blástu ballónir upp og hongdu pynt upp á veggir og í vindeyguni. Tey gjørdu klárt til føstulávintshaldið í dag.
Í morgun klokkan 8 møttu næmingar og lærarar so í Tvøroyrar skúla; summi grýluklødd, onnur við grýluklæðum í taskuni, og summi høvdu latið tey ligið eftir heima. Tíbetur eru fleiri og fleiri, ið tíma at lata seg í :-)
Hjá miðdeildini gjørdust Natasja úr 6.a og Vic úr 5.b kattakongar, og hjá hádeildini blivu Eli úr 8. flokki og Elsebeth úr 9. flokki kattakongar:
Næmingaráðið skipaði eisini fyri grýlukapping, og tað var ordiliga stuttligt at síggja, at fleiri høvdu gjørt nógv burturúr. Dagsins vinnarar fingu gávukort, ið Pizzaria á Hotel Tvøroyri hevur givið sum vinning, og sodavatn, ið Føroya Bjór hevði stuðlað okum við.
Ársins vinnaragrýlur:
Greinmyndin er av 4. flokki, ið varð kosin dagsins festigasti flokkur.
Sí myndir frá degnum her: https://www.tvoroyrarskuli.fo/imagegallery?Id=15034
Næmingaráðið er her avmyndað, tá dagsins arbeiðið var av:
10
dec. 2023