Spentir næmingar

Fyrstu næmingarnir í dagstarvsvenjing

Lagt út hevur: Rúna  Hovgaard   tann: 28.11.2019   

Í morgun klokkan 8 møttu átta spentir næmingar úr 8. flokkunum á Varðanum Pelagic



Í morgun klokkan 8 møttu átta spentir næmingar úr 8. flokkunum á Varðanum Pelagic. Hetta eru teir fyrstu næmingarnir, ið sleppa at royna dagstarvsvenjingina, ið er ein samstarvsavtala millum Varðan Pelagic og Tvøroyrar skúla.


Í dag eru tað el-deildin, maskindeildin, kantinan og góðskudeildin, ið taka ímóti tveimum næmingum hvør, og í morgin fara tvær gentur úr 9. flokki á góðskudeildina.


Allir næmingarnir í okra 8. og 9. flokkum hava fingið í boði at sleppa 1-2 ferð í dagstarvsvenjing í hesum skúlaárinum. Fleiri hava tikið av hesum spennandi tilboðnum, og í dag sluppu so fyrstu næmingarnir at royna seg. Hini, ið hava teknað seg til dagstarvsvenjingina, sleppa eftir jólafrítíðina. Nærri boð verða givin næmingunum um hetta.


Nú gleða okur okum at hoyra, hvat næmingarnir – og sjálvandi eisini starvsfólkið – hava upplivað í dag.


Aftur



 

Ment, forritað og sniðgivið hava appnet