Góð felags lesiløta

Í gjár var Altjóða lesidagur, og í ár eru júst 60 ár liðin, síðan ST tilnevndi 8. september at vera altjóða lesidag. Endamálið við degnum er at seta sjóneykuna á týdningin, ið lesing hevur fyri okum øll. 

Okur hava nú í nøkur ár hildið altjóða lesidagin, og tað vildu okur sjálvandi gera aftur í ár. Tó hildu okur dagin í dag, ein dag ov seint, men okur rukku endamálinum - okur sótu øll (onkur lá) og lósu í fimleikahøllini í eitt gott korter. Tað var ein góð løta, ið gav okum øllum møguleikan at hugsavna okum; tað geva okur okum kanska ikki altíð nóg góða tíð til. 

Í Trongisvági var eisini ein væleydnað lesiløta í morgun. 

Ein góð siðvenja - at geva okum tíð til at lesa og onki annað!

​