Okur lesa

Allan mars-mánaða hava okur í mið- og hádeildini lisið hvønn morgun. Klokkan 8 seta næmingar og lærarar seg við einari bók, og so er lesifriður. 

Myndin av 4. flokki er tikin beint eftir lesiløtuna í morgun. Næmingarnir eru samdir um, at lesiløturnar eru góðar.

Tað eru nakrar bøkur, ið serliga verða nevndar umaftur, tá tey skulu nevna, hvørjar bøkur teimum best dámar. Bókarøðir ganga eisini aftur. Hetta sæst eisini á bókasavninum, har tað meir enn so kemur fyri, at bíðirøð er eftir ávísum bókum. 

Handbøkurnar fyri superhetjur og Krypto-teknirøðin eru sera vælumtóktar hjá fleiri aldursbólkum. Kalt blóð-serian er framvegis vælumtókt, og frøin var stór, nú okur júst fingu fleiri eintøk av nummar 11 í røðini. Hjá teimum elstu næmingunum er tað nokk mest Sjørnucrush, Sjørnusjeikur og Stjørnuslatur hjá Kristi Kristoffersen, ið genturnar spyrja eftir. Dreingjunum í hádeildini dámar væl teknirøðir og faktabøkur um eitt nú fótbólt, djór og søgu. 

Innskúlingin er eisini farin undir eitt lesiátak. Tey lesa hvønn dag hesa vikuna. 

Fleiri myndir koma seinni.