Skúlastýrisvalið 2024

Skúlastýrisvalið 2024

Góðu foreldur/avvarðandi at næmingum í Tvøroyrar skúla. Tann 12. november 2024 verður skúlastýrisval og umboð skulu veljast í skúlastýrið fyri Tvøroyrar skúla í eitt fýra ára skeið.

Hvør hevur atkvøðurætt?

• Foreldur hava atkvøðurætt, um tey eru løggildu foreldur at barninum, sum gongur í skúlanum. Hetta merkir, at tað er neyðugt at hava foreldramyndugleika fyri at hava atkvøðurætt. Hetta eiga foreldur at vera kunnað um. Um tey eru í iva, um tey hava atkvøðurætt, er her ein máti at kanna, um man hevur foreldramyndugleika/atkvøðurætt.

Havi eg sum foreldur atkvøðurætt?

• Á Vanganum (app):
  • Far til "Vangamynd"
  • Niðast á síðuni stendur "Børn undir 18 ár"
  • Um barnið/børnini standa har, hevur tú foreldramyndugleika
• Um tú ikki ert skrásett/ur rætt:
• Vend tær til ⁠Familjufyrisitingina (um tú ert ógift/ur)
• Vend tær til lokala prestin, um tú ert gift/ur
• Báðir myndugleikar hava beinleiðis atgongd til fólkayvirlitið (FOLK)

Møguligar misskiljingar

• "⁠Fráboðan av faðirskapi" og "⁠fráboðan av avtalu um felags foreldramyndugleika" eru ikki tað sama
• Tað seinna er neyðugt fyri at hava atkvøðurætt til skúlastýrisvalið

Týdningarmikið at minnast til

Foreldur, sum eru í iva, eiga at kanna málið og venda sær til viðkomandi myndugleikar um neyðugt, so tey kunnu tryggja sær atkvøðurætt til skúlastýrisvalið.

Valstaðið verður í Trongisvágs skúla, og opið verður frá kl.10.00 – kl.20.00 12.nov. 2024

Vallistin til skúlastýrisvalið liggur frammi á kommunuskrivstovuni á Tvøroyri til týsdagin 5.novembur 2024.

Uppskot um valevni skulu vera valnevndarformanninum, Jón Johannesen, í hendi í seinasta lagi kl. 18.00 5.nov 2024.

Uppstillingarfundur verður mánakvøldið 28. oktober 2024 kl.18.00 í dupultstovuni í Tvøroyrar skúla.

Veljarar, sum ikki kunnu møta á valdegnum, kunnu, við at venda sær til formannin í valnevndini, atkvøða við brævatkvøðu í seinasta lagi kl.18.00, dagin fyri valið.