2.b vitjar Hamragarð

Í morgun vitjaðu næmingarnir í 2. b á Hamragarði, har mamma Helga, Senita, arbeiðir. Tað passaði so væl, at ónsmorgnar er stólafimleikur á skránni, og sjálvandi sluppu børnini at luttaka saman við búfólkunum. Hetta dámdu teimum øllum væl; kanska serliga, tá ballónirnar komu við í spælið. At enda hesa morgunløtuna sungu næmingarnir svenska sangin "Vem kann segla" á fýra ymiskum tungumálum.

Dagurin endaði við rundvísing á Hamragarði, har tað serliga var spennandi at sleppa at síggja ymisk rúm og útgerð. Sum tøkk fyri vitjanina fingu næmingarnir sunkist og okkurt søtt.

Hetta skúlaárið er ætlanin hjá 2.b at vitja nøkur av arbeiðsplássunum, har foreldur at næmingum í flokkinum arbeiða. 

​