4. flokkur ger sólur í skúlagarðinum

Endiliga ein góður sólskinsdagur, og fleiri hava verið úti í garðinum í dag í álvara og gamni. 

4. flokkur hevur í náttúru og tøkni saman við Elini verið úti og lært um og ikki minst roynt at gjørt sítt egna sólur. 

Fyrst fingu tey eina góða frásøgn, og so fóru tey í gongd við at royna at gera eitt sólur. 

Tá sólin flytur seg gjøgnum dagin, flyta skuggar seg eisini samsvarandi. Við einum sóluri kanst tú brúka skuggar at finna útav, hvat klokkan er. 

Næmingunum dámar væl at sleppa út at njóta góðveðrið, tá tað ber til, og ongantíð betur, um hetta kann sameinast við undirvísingina.