9.fl: Lívfrøðitímin var uttandura í dag

Summarið er í nánd, og tað merkir, at próvtøkurnar av álvara eru farnar at nærkast. Hetta merkist nokk einamest í 9. flokki, har tey hava nógv at gera við at fyrireika seg so gott sum gjørligt. 

Í dag fingu tey tó eitt vælkomið brot í vanliga skúladagin, tá lívfrøði var á skránni. Veðrið beyð útum, og saman við Turið fór 9. flokkur ein túr í mølina. Tað er nokk ein av lívfrøði-tímunum, tey koma at minnast allarbest.