Ein av okra allarkærastu jólasiðum hevur verið á skránni í dag
9. flokkur hevur bakað smákøkur, 1.-5. og 7. fl. hava teknað jólakort, 8. flokkur hevur málað jólakúlur, og 10. flokkur hevur gjørt smákøkupakkarnar klárar, og í dag hava næmingar í mið- og hádeildini verið og vitjað hjá teimum elstu í kommununi. Við sær høvdu tey ein smákøkupakka við eini jólaheilsan frá skúlanum.
Hetta er sjeyndu ferð, okur fara runt við hesum jólaheilsanunum. Gevaragleðin er týðilig, tí næmingarnir koma aftur í skúla við einum stórum smíli og greiða frá, hvussu glað fólk vanliga eru fyri hendan tankan: Ein lítil tanki, ið veruliga kann gleða mong; báði gevara og móttakara.
Tey, ið búgva á Suðuroyar ellis- og røktarheimi fingu eisini smákøkur umframt eina jólakúlu við navni og árstali á. Hesar kúlurnar prýða jólatrøini á hjá teimum saman við kúlunum, tey hava fingið undanfarin ár.
Ikki øll vóru heima, og tískil verða síðstu smákøkurnar bornar út seinni. Okur royna at fáa allar út í dag.
Nakrar myndir frá í dag (eru við samtykki): https://tvoroyrarskuli.fo/imagegallery?Id=15557
10
jun. 2023