Ein tøkk til ársins næmingaráð

Í gjár var síðsti felags morgunsangur á skránni úti í Tvøroyrar skúla. Okur sungu tveir sangir og ein sálm, ið 10. flokkur hevði valt, nú hetta var teirra síðsti morgunsangur her hjá okum: Gakk tú tryggur, Heimlongsul til Tvøroyrar og Minnist tú, ið er ein av sangunum hjá Kulu Rótum um fyrsta skúladag í fyrsta flokki. 

Mest týdningarmikla punktið á skránni var tó ein viðurkenning av okra næmingaráði.

Sum skúli eru okur sera takksom, at okur hava næmingar, ið fegnir vilja manna næmingaráðið. Okur hava havt eitt sera virkið og vælvirkandi næmingaráð, ið - hóast viðhvørt avmarkað av koronuavmarkingum - hevur skipað fyri fleiri felags tiltøkum og havt regluligar fundir. Sjálvandi kunnu okur ikki altíð ganga øllum ynskjum á møti, men okur skulu sjálvandi altíð lurta, og tað hendir meir enn so, at okkurt, ið næmingaráðið - vegna næmingarnar - hevur lagt fram, er sett í verk.

Í dag fingu næmingaráðsumboðini handað heiðursbræv og eina lítla gávu sum tøkk fyri megnararbeiðið! Takk fyri og góða summarferiu :-) 

Næmingaráðslimir og varaumboðini avmyndað til ársins síðstu morgunløtu!