26.mar 2021
Lagt út hevur: Annika Eidesgaard
Floksmenning, stuttleiki og hugni í 5. flokki
Ónsdagin klokkan 16.00, tá allir næmingar annars eru heimfarnir, møtti 5. flokkur aftur í skúla. Tey høvdu ongar bøkur ella pennahúsar, men harafturímóti høvdu tannbustin, náttklæðini og soviposin fingið pláss í taskuni.
Næmingarnir vóru spentir og skundaðu sær at finna sær sovipláss í floksstovuni, áðrenn farið varð oman í skúlakøkin. Næmingarnir matgjørdu sjálvir, og á matarlepanum var pitabreyð, pizza og sushi.
Aftaná nøkur stuttlig spøl, ið øll luttóku í, var hugni og prát á skránni. Eftir stutta løtu høvdu fleiri næmingar bæði andlitsmaskur og nýtt neglalakk. Áðrenn songartíð var ein filmur á skránni. Ein hugnaligur dagur og –kvøld var komið at enda.
Tórsmorgunin byrjaði tíðliga, og longu klokkan hálvgum sjey vóru fyrstu næmingarnir úti í skúlagarðinum og sparkaðu. Morgunmatur var hálvgum 8, og klokkan 8 byrjaði skúladagurin, ið tó var øðrvísi enn aðrir skúladagar.
Floksmenning (teambuilding) var á skránni, har sjóneykan bæði var á álvara og gaman. Eftir ein felags frokost endaði skúladagurin. Í dag var vanligur skúladagur og tó. Flokkurin hevur spælt nøkur samskiftisspøl uttan talað orð, har dentur var á álit.
Nú er páskaferia. Vónandi verður hon góð hjá øllum :-)
apr. 2024