10. flokkur saman við næmingum á Føroya eftirskúla

Fyrsti skúladagur hjá 10. flokki

Lagt út hevur: Annika Eidesgaard   tann: 19.08.2020   

Í dag var fyrsti skúladagur hjá 10. flokki. Hóast flestu næmingar í flokkinum hava gingið í Tvøroyrar skúla flestu skúlaárini, so verður hetta árið nakað øðrvísi enn tey undanfarnu. 

10. flokkur er sjálvsagt øðrvísi á tann hátt, at næmingarnir sjálvir velja allar lærugreinar og breytir á tímatalvuni. Kravið er, at tey skulu hava á leið 28 tímar, men so kunnu tey eisini velja tað, ið er mest viðkomandi og áhugavert fyri tey.

Vanliga koma teir næmingar úr Hvalbiar skúla, ið velja at halda fram í 10. flokki, til Tvøroyrar at taka síðsta árið í fólkaskúlanum. Í ár er onki undantak, og ársins 10. flokkur er samansettur av næmingum, ið hava gingið í trimum ymiskum flokkum, tveimum úr Tvøroyrar skúla og einum úr Hvalbiar skúla. 

Umframt okra egnu næmingar í 10. flokki møttu eisini í dag næmingarnir úr Føroya eftirskúla, ið koma at hava nakað av undirvísing saman; báði vanligu lærugreinirnar og breytir. 

Hetta verður avgjørt eitt spennandi ár. Vælkomin í 10. flokk og somuleiðis vælkomin til næmingarnar á Føroya eftirskúla.

Aftur



 

Ment, forritað og sniðgivið hava appnet