Gluggin vitjaði Sjúkrahúsið

Í august byrjaði Gluggin, okra nýggi forskúli, og børnini og tey vaksnu hava longu upplivað mangt og hvat. Mánadagar plaga tey at fara onkran túr í nærumhvørvinum og oynni annars. Tey hava verið túrar í náttúruni, til aðrar bygdir, søguligar vitjanir, virkisvitjanir og annað.

Virkisvitjanir hava millum annað verið í Bank Nordik og á Taravirkinum í Fámjin. Farna mánadag var túrurin komin til Suðuroyar sjúkrahús, har børnini og starvsfólkið vórðu væl móttikin.

Fyrst varð farið á seingjadeildina og skaðastovuna, har sjúkrarøktarfrøðingar greiddu frá, hvat verður gjørt har. Í fysio- og ergoterapiini sluppu børnin iat royna ymsu maskinurnar og trampolinirnar.

Uttanfyri bíðaði sjúkrabilurin við sínum blinkandi ljósi og eyðkendu sirenu. Børnini sluppu sjálvandi eisini inn í sjúkrabilin. 

Áðrenn leiðin aftur gekk inn til Trongisvágs, vórðu matpakkarnir etnir í kantinuni á sjúkrahúsinum. 

Børnini og tey vaksnu vóru so glað fyri dagin og sera takksom fyri góðu móttøkuna og blíðskapin. 

Fleiri myndir frá vitjanini eru her.

​