Góðveðursdagar og uttandura undirvísing
- tann: 13.09.2024
- Lagt út hevur: Annika Eidesgaard
Tá veðrið er gott, er deiligt at kunna flyta undirvísingina útum. Í farnu viku vóru fleiri dagar við sól og stilli, og hesum gjørdu fleiri lærarar og flokkar sær dælt av. Umframt árliga rennidagin og søgutíman hjá 9. flokki niðan á Nakk, ið okur hava skrivað um her á síðuni, vóru fleiri aðrar góðar uttandura løtur. Her eru nakrar av teimum avmyndaðar (her kundu verið nógvar afturat):
Kost- og rørslubreytin var ein súkklutúr runt Froðba (sí greinamyndina) og til Trongisvágs.
Okur hava borð og benkur í skúlagarðinum, so enska mállæran kann saktans gerast uttandura.
Thorshavn hómast á fjørðinum. Her er tað 7. flokkur, ið kemur aftur av fiskitúri. Niðanfyri eru nakrir av næmingunum í 7. flokki klárir at fara avstað.
Týsk mállæra kann sjálvandi eisini flytast útum.
Samfelags- og mentanarbreytin í 10. flokki nýtti høvið (og árstíðina) at skaffa sær nakrar nátar, ið sjálvandi skuldu klárgerast, áðrenn flokkurin fór í skúlakøkin at matgera - og eta, sjálvandi.
5. flokkur var ein túr á spæliplássinum; hepnu tey fingu eisini ís :-)
19
sep. 2024