Lærugreinadagar í miðdeildini

Lærugreinadagar í donskum, enskum, føroyskum og støddfrøði

Hesa vikuna, meðan eldru næmingarnir ganga til royndir og próvtøkur, hava lærararnir í miðdeildini skipað fyri lærugreinadøgum í enskum, donskum, føroyskum og støddfrøði. 

Allir flokkarnir (4.-7.fl.) hava fingið ein heilan dag til hvørja lærugrein, so teir hava veruliga havt møguleika at fordjúpa seg í einstøku lærugreinunum.

Vanliga verður roynt at gera undirvísingina í ymisku lærugreinunum fjølbroytta, so okkurt er til øll, men tá tú hevur ein heilan dag, hevur tú møguleika á ein heilt annan hátt at brúka tíð til øðrvísi læring. Eitt sindur av siðbundnari undirvísing kryddað við spølum, rørslu, gaman og álvara. 

Lærarar og næmingar lata væl at :-) 

Her eru nakrar myndir úr støddfrøði-høllini: https://tvoroyrarskuli.fo/imagegallery?Id=15282