Miðdeildin spennandi kunningarferð í Trongisvági

Miðdeildin (4.-7.fl.) hevur øðrvísi skúladagar, nú summarfrítíðin nærkast, og í góðveðrinum í dag vóru tey í Trongisvági og hoyrdu um ymiskt forvitnisligt. Flokkarnir byrjaðu hvør sær í fýra ymiskum støðum, har frásøgufólk greiddi frá søgu og siðvenju, og síðani skiftu teir, so allir flokkar sluppu at vitja øll fýra støðini. 

1. Við Stórá

Elsta fótbóltsfelagið í Føroyum spælir nú sínar heimadystir í Trongisvági. Søguríka felagið, TB, ið mong helst seta í samband við Sevmýri, festir nú røtur við Stórá. Tað var Hallur í Heiðunum, ið greiddi frá søguni og virkseminum hjá TB. 

2. Elverkið

Flestu okra koyra dagliga fram við Elverkinum í Trongisvági; allarhelst uttan at geva okum stórvegis far um bygningin og virksemið har. Í dag vitjaðu okur á virkinum. Tað var Edvard Jakobsen, ið greiddi frá. 

3. Klappjaktin

Árliga klappjaktin í Trongisvági er tiltikin, og fleiri eru siðvenjurnar, ið knýttar eru at degnum og felagskapinum. Næmingarnir møttu við standmyndina, ið varð avdúkað, tá klappjaktin í 2012 fylti 120 ár. Jens Rói Sørensen greiddi frá ymiskum, ið hevur við klappjaktina at gera. 

4. Bátafelagið Naddoddur og -neystið

Vitjað varð eisini í hugnaliga Naddoddaneystinum og á økinum rundanum. Har vóru fleiri, ið nýttu høvið at greiða næmingunum frá ymiskum í samband við Naddodd, neystið og bátafelagið. 

Myndirnar eru frá Mallu og Annu.