Samba-rýtmur í fimleikahøllini
- tann: 10.11.2023
- Lagt út hevur: Annika Eidesgaard
Okur hava aftur havt vitjan úr Listaleypinum. Talan var um verkætlan, ið nevnist Samba-slagverk, og tað var 4. flokkur, ið slapp at royna seg við suðuramerikonskum rýtmum.
Vitjanin var skipað í trimum pørtum. Fyrsti partur var eitt nú frágreiðing um samba, nøkur smáspøl fyri at hita upp og tos um týdningin av at lurta eftir hvør øðrum, tá ein spælir saman í bólki.
Í øðrum parti komu ljóðførini eisini í spæl. Kunnað varð um ljóðførini, og næmingarnir sluppu at royna at spæla upp á ymisku ljóðførini.
Í triðja parti varð dentur lagdur á sjálvar rýtmurnar, næmingarnir spældu ymiskar rýtmur, ið endaðu sum eitt samansett lag. Her var týðiligt hjá næmingunum at síggja og hoyra, hvussu týdningarmikið tað er at samstarva og lurta hvør eftir øðrum, um tú skal fáa eitt gott samanspæl.
Tað eru James Goodwin og Markus Fríði Hammer, ið saman standa fyri hesi verkætlanini. Næmingunum dámdi væl. Okur takka fyri við nøkrum myndum frá løtuni.
Wivika hevur tikið myndirnar. Meira kann lesast um hesa verkætlanina og Listaleypin annars her.
9
may. 2025