Skúlin letur meira upp

​Undirvísingin verður skipað eftir vanligu tímatalvuni,

Góðu næmingar, foreldur og starvsfólk skúlans.

Tíverri gjørdi koronusmittan nógv um seg í Føroyum í august. Av tí sama var neyðugt at gera ymsar tillagingar í skúlanum at byrgja fyri smittuspjaðing.

Tíbetur er støðan munandi betri nú. Undirvísingarstýrið hevur ráðført seg hjá Koronaráðgevingini við tí endamáli at lata skúlarnar meiri upp.

Hetta merkir, at frá mánadegnum 7. sep. verður skúlagongdin skipað soleiðis:

·           Undirvísingin verður skipað eftir vanligu tímatalvuni, og lærugreinir so sum handverk og list og ítróttur eru nú aftur á skrá.

Eisin byrjar undirvísingin á breytunum aftur.

·           Skúlabussurin koyrir nú aftur sum vanligt.

·           Tá næmingarnir koma í skúla á morgni, tekur lærari ímóti og øll skulu  spritta hendur.

·           Ongar stórar samlingar verða, so sum morgunsangur og líknandi.

·           Í avmarkaðum føri er loyvt foreldrum at koma inn í skúlan, men skulu tey halda almennu tilmælini um frástøðu og reinføri.

·           Foreldarfundir verða sum vanligt, men tó skal hvør næmingur bert verða umboðaur av einum foreldir ella verja.

·           Hava starvsfólk ella næmingar sjúkueyðkenni, eisini mild sjúkueyðkenni, skulu tey ikki møta í skúla. Tað sama er sjálvsagt galdandi, um næmingur ella starsvfólk er sett í sóttarhald eftir galdandi mannagongdum.

·           Er næmingur í serligum vandabólki, verður mælt til, at tosað verður við lækna, áðrenn avgjørt verður, at barnið kemur í skúla.

Mint verður annars á, at øll skulu halda seg til almennu tilmælini um frástøðu og reinføri.

Vinarliga leiðslan