Ungdómshornorkestrið (08.03.2023)

Mánadagin fer Tvøroyrar Hornorkestur, ið so ofta er við til at seta sín serliga dám á tiltøk her í býnum og aðrastaðni við, ein túr til Edinburgh, og nú fáa fólk í skotska høvuðsstaðnum eisini møguleikan at hoyra okra dugnaliga hornorkestur, tí nakrar konsertir eru eisini á skránni á ferðini. 

Í Edinburgh er eisini ætlanin at vitja grøvina hjá Jack Malpass, ið var dirigentur hjá Tvøroyrar Hornorkestri frá 1980 - 1984. Sambært Tróndi Enni, ið stjórnar orkestrinum í dag, eigur Jack stóran part av æruni av tí hornorkestri, okur kenna í dag. Hetta tíðarskeiðið vandi orkestrið seks tímar felagsvenjing um vikuna umframt at venja nógv heima, so framgongdin var sera stór. 

Við á ferðini til Edinburgh eru fleiri av okra dugnaligu næmingum, ið framførdu til morgunsang herfyri. Ungdómshornorkestrið undir leiðslu av Tróndi Enni spældi fýra løg fyri okum: Scotland the Brave, All through the Night, Irish Tune From County Derry og Blaydon Races. 

Horntónarnir rungaðu í fimleikahøllini, og dúgliga varð klappað, tá framførslan var liðug. 

Okur ynskja Tvøroyrar Hornorkestri eina góða ferð til Edinburgh :-) 

Niðanfyri eru upptøkur av Scotland the Brave og Blaydon Races.