Vælumtóktir jólakalendarar
Støddfrøði-jólakalendarin, ið Hildur hevur skipað fyri, hevur hvønn dag í desember givið okum eitt stuttligt og jólaligt roknistykki. Væl hevur verið gitt, og Hildur hevur funnið vinnarar ímillum tey, ið hava verið raskast at svara hvønn dag. Í Trongisvági vunnu Levi og Bárður í 3. flokki, og úti á Tvøroyri vann Bjørk í 4. flokki. Raskasti flokkurin at svara tilsamans var 5. flokkur.
Jólakalendarin hjá bókasavninum hevur somuleiðis givið okum ein spurning um dagin í desember. Hesir spurningarnir hava snúð seg um barnabókmentir, almenna vitan og ymiskt annað. Nógv hava svarað spurningunum, og eisini her er funnið fram til, hvør hevur verið raskast at svara - og svara rætt. Tríggir vinnarar vóru, og tær ganga allar í 9. flokki: Ranja, Ida og Sanna.
Takk til tykum øll, ið hava brúkt eina løtu at svara spurningunum :-) Tað gevur í øllum førum hug til at skipa fyri kalendarum aftur komandi ár :-)
31
mar. 2023