Evnisvika hesa vikuna: Fjølmentan í Tvøroyrar skúla

Hesa vikuna er felags evnisvika fyri allar næmingar og starvsfólk í Tvøroyrar skúla. Okur møta tískil øll úti á Tvøroyri hvønn morgun (mána- til tórsdag) kl. 08.00. Skúlabussurin koyrir sjálvandi samsvarandi. Skúladagurin endar klokkan 12.00, tá skúlabussurin koyrir heim (ella í frítíðarskúla). Børnini í Glugganum fara tó inneftir við bussinum klokkan 11.20. 

Øll møta í fimleikahøllini; tó fara næmingar í 4.-10.fl., ið hava snildfonir við, fyrst í heimastovurnar við hesum. 

Vanliga skúlataskan skal ikki við; tó vænta okur sjálvandi, at øll hava væl útgjørd pennahús við øllum tí vanliga umframt farvum, límstift og saksi. Havið matpakka og dunk við eisini!

Okur hava valt at sett sjóneykuna á fjølmentanina í okra skúla. Okur eru øll býtt í 24 bólkar; hvør bólkur skal arbeiða við einum landi, sum næmingar í okra skúla hava ættarbond til (1/4). 

Í hvørjum bólki eru á leið 8-10 næmingar umframt eitt-tvey starvsfólk. Hvør bólkur hevur fingið eitt "arbeiðsstað" í skúlanum. Í bólkunum eru næmingar úr ymiskum flokkum; tó ongantíð færri enn tveir næmingar úr sama flokki. 

Okur byrja mánamorgun í fimleikahøllini við kunning til allar næmingar og starvsfólk!

Tórsdagin kl. 16.00-18.00 er "opin skúli", har øll avvarðandi eru vælkomin í fimleikahøllina til eina framsýning av okra fjølmentan. Vælkomin :-)