Valfepur í Trongisvági

Tað eru ikki einans tey, ið eru fylt 18, ið hava valrætt í hesum døgum. Eisini okra yngstu næmingar hava verið á vali. Valstaðið í Tvøroyrar kommunu er í skúlahøllini í Trongisvági, og tískil var tað jú upplagt at hava Barnaval 2026 ónsdagin 25. mars í somu hølum og við nærum somu útgerð, sum tey vaksnu brúktu báði týs- og tórsdag. 

Valevnislistin var ikki heilt so langur sum á fólkatings- og løgtingsvalinum, men har var gott í at velja. Veljast kundi ímillum ein ítróttardag, ein roknidag, ein dag við kort- og borðspølum, ein pannukøkudag, ein filmsdag við poppkorni ella ein dag, har tey kundu fáa lasagnu at eta. 

Vinnarin var filmsdagurin við poppkorni, so nú kunnu næmingarnir í Glugganum og 1.-3. flokki fara í páskaferiu og gleða seg til ein góðan filmsdag einaferð eftir feriuna. 

Valplakatirnar og nakrar myndir frá valdegnum síggja tykur niðanfyri.