4. flokkarnir í oynni vitja í Trongisvági
- tann: 24.05.2022
- Lagt út hevur: Annika Eidesgaard
Í dag hevur okra 4. flokkur havt vitjan av hinum 4. flokkunum í oynni. Klokkan 9. møttu gestirnir í Trongisvágs skúla.
Fyrst á skránni var ein áhugaverd frágreiðing um fuglar, og hvør veit meir at greiða frá um fuglar enn Turið, ið hevur undirvíst í lívfrøði í mong ár og hevur ein stóran áhuga fyri m.ø. fuglum og fuglalívi.
Postarenning var eisini á skránni. Í bólkum skuldu børnini finna ymiskar postar, og á hvørjum posti var okkurt, tey skuldu hava við sær "heimaftur". Alt, tey tá høvdu samlað, kundi byggjast til ein bil.
Ein drekkamunnur var at fáa í kantinuni, og tíð var eisini til eina lissukapping, áðrenn skúladagurin endaði á middegi.
Dagurin eydnaðist sera væl. Sólin skein, og børnini hugnaðu sær nógv úti eisini.
Nakrar myndir frá degnum eru at síggja her: https://tvoroyrarskuli.fo/imagegallery?Id=15251
Winnie er flokslærari í 4. flokki.
Aftur
9
may. 2025