5. flokkur: Góðir sólskinstúrar í okra vøkru náttúru

Tá veðrið er gott, er lagið sum oftast eisini gott. Ikki minst hjá næmingum, ið sleppa út úr skúlastovunum at uppliva ymiskt annað enn vanligu undirvísingina. Hesa vikuna hava okur havt fleiri sera góðar sólskinsdagar, og hesum hevur 5. flokkur veruliga gjørt sær dælt av. 

Týsdagin fóru tey ein túr niðan á Nakk, har útsýnið hendan góðveðursdagin var framúr vakur. Pollamjørkin var serstakur og fjaldi stóran part av sjónum kring oyggjarnar. Afturkomin í skúlan fingu næmingarnir ís, sum onkur foreldur bjóðaðu. 

Í gjár, ónsdagin, høvdu næmingarnir súkklu við í skúla, og saman við flokslæraranum, Winnie, súkklaðu tey til Ørðavíkar og aftur í skúlan. Á veg heimaftur varð steðgað í Ørðavíkarlíð, har næmingarnir fingu okkurt gott til góman og at sløkkja tostan við frá JSS og Føroya Bjór. 

Í morgun var aftur túrur á skránni, og nú slapp 4. flokkur eisini við. Tey hava annars verið upptikin av landsroyndum báði í gjár og fyrradagin, so tey gleddust eisini um at sleppa út at njóta góðveðrið. Bussar bíðaðu næmingunum longu klokkan 8 í morgun. Fyrst gekk leiðin inn til kikaran inni í Trongisvági og síðani varð farið í Botnskarð. 

Nakrir frálíkir dagar við sól, upplivingum og góðum lagi. 

Í morgin er ítróttardagur fyri miðdeildina á skránni.