6. flokkarnir seta fokus á sínar styrkir
- tann: 30.09.2022
- Lagt út hevur: Annika Eidesgaard
Okur hava øll nógvar styrkir. Um okur hugsa okum um, vita flestu okra tað uttan iva, men viðhvørt er tað gott at verða mintur á tað kortini.
Í 6. flokkunum settu lærararnir sær fyri nøkrum vikum síðan fyri, at tey vildu taka eina viku úr vanligu tímatalvuni og við positivari sálarfrøði seta sjóneykuna á styrkirnar, okur øll hava í okum í størri ella minni mun.
Allir næmingarnir fingu hvør sítt hefti, har tær 24 ymisku styrkirnar, ið positiva sálarfrøðin serliga arbeiðir við, vóru lýstar. Arbeitt varð við styrkjunum. Hvat merkja tær, og hvussu kunnu tær brúkast? Eisini varð tosað nógv um, at tað ber til at skrúva upp og niður fyri styrkjunum, og hvussu okur í felagsskapinum kunnu gagnnýta styrkirnar hjá hvørjum einstakum. Saman við foreldrunum skuldu hvør næmingur finna tær fimm styrkirnar, ið eru týðiligast hjá einum sjálvum.
Bæði næmingar og lærarar dámdu væl at arbeiða við positivari sálarfrøði og styrkjunum. Hetta verður avgjørt gjørt aftur.
9
may. 2025