Góða páskaferiu og gleðiligar páskir

Næmingum, starvsfólki og øllum øðrum ynskja okur einar gleðiligar páskir. 

Síðstu tveir dagarnar undan páskafrítíðini vóru eitt sindur øðrvísi skúladagar. 

Tórsdagin var stjørnurenning á skránni í miðdeildini, áðrenn øll fingu grillaðar pylsur og breyð. Fríggjadagin var fimleikahøllin umskapað til biograf, har poppkorn sjálvandi varð serverað til næmingarnar. 

Tórsdagin vóru ymisk handalig og kreativ verktstøð á skránni í hádeildini, meðan elstu næmingarnir fríggjadagin vóru ein túr á sandinum í Sandvík. Ein frálíkur - men kaldur - túrur. 

Í innskúlingini í Trongisvági hugnaðu tey sær eisini við biografi og stjørnurenning fríggjadagin. 

Fitta tekningin, ið er avmyndað niðanfyri, er vinnaramyndin í stjørnurenningini hjá miðdeildini. Dugnaliga Ýr Ákadóttir valdi vinnaramyndina, og okur takka henni hjartaliga fyri hjálpina. 

Í myndasavni okra eru myndir frá mið- og hádeildini. Myndir frá innskúlingini koma væntandi seinni.