Móðurmálsdagur og Kahoot

Móðurmálsdagur og Kahoot

Í gjár, 25. mars, var føroyskur móðurmálsdagur. Altjóða móðurmálsdagur er 21. februar, men í Føroyum hevur mann valt, at móðurmálsdagur verður hildin á føðingardegi V.U. Hammershaimbs, ið er kendur sum faðir at okra skriftmáli.

Í ár hava Málráðið og Føroyar lesa skipað fyri spurnakappingum á Kahoot. Í gjár klokkan 11 var kapping fyri allar næmingar í 7.-10. flokki, og klokkan 12 var almenn kapping, har øll áhugað vóru vælkomin at spæla við.

Flestu næmingar í hádeildini umframt í eldru flokkunum í miðdeildini royndu seg í kappingini, ið var ógvuliga spennandi. Fleiri av okra næmingum vóru væl við, og summir sera væl við, men tíverri rakk ikki til eitt fyrstapláss.

Eitt frálíkt hugskot, hendan kahoot-kappingin. Okur eru við aftur næstu ferð :-) 

Her er ein mynd av nøkrum av luttakarunum, ið ikki fingu sitið stillar :-) 

​