15.apr 2021
Lagt út hevur: Annika Eidesgaard
Í góðveðrinum í morgun fóru næmingar og lærarar í 4. og 5. fl. til gongu úr Tvøroyrar skúla inn til Trongisvágs; til Ítróttardepilin við Stórá, og tey vóru ikki ørindaleys.
Sum kunnugt er umhvørvisvikan hjá Tvøroyrar kommunu hesa vikuna, og ein partur av skránni í umhvørvisvikuni er ein plantingardagur við Stórá.
Lasse Jensen, ið starvast á kommunuskrivstovuni, legði teimum, ið vóru møtt, lag á, og so fóru fólk í gongd við at planta trøini.
Ein góður dagur, ið endaði við, at øll, ið hjálptu til, fingu ein døgurðabita frá Kantinuni hjá Anitu.
mar. 2024