Fakdagar í 4. flokki

​

Í dag var fakdagur í føroyskum í 4.fl. Ein dagur, har arbeitt varð við føroyskum burturav. Næmingarnir vóru býttir upp í bólkar, og arbeiddu teir allan dagin í bólkum.

Fyrst vóru ymisk verkstøð á skrá, sum bólkarnir arbeiddu í t.d. leitaðu teir eftir sernøvnum uppi á bókasavninum, bendu sagnorð, skrivaðu bóka ummæli og leitaðu eftir navnorðum úti í skúlagarðinum. Tá ið verkstøðini vóru liðug, fingu næmingarnir eitt kort í hondina til eina frískliga postarenning. Á hvørjum posti vóru orð goymd, og tá ið bólkarnir høvdu funnið allar postarnar, skuldu teir seta orðini saman til ein setning. Dagurin endaði við eini stavikapping. Lærarin spurdi, hvussu ymisk orð vórðu stavaði, og bólkarnir skrivaðu sítt svar niður á pappír.

Ein góður, stuttligur og ikki minst læruríkur dagur, sum heilt víst verður endurtikin um eina tíð.