Opin skúli seinnapart tórsdagin

Skrivað hevur: Rúna  Hovgaard   tann: 13.12.2017   


Hesa vikuna hava evnisdagar verið í Tvøroyrar- og Trongisvágs skúla. Hesa vikuna hava næmingarnir arbeitt við øllum møguligum, m.a. hava teir arbeitt við sjónleiki, gingið Lucia, bakað til tey eldru +80, gjørt jólafilmar o.a.m.

Í dag er so greytadagur við undirhaldi í Trongisvági, og kl. 16.00 - 18.00 verður hugnaløta fyri næmingum og foreldrum í skúlanum.

Í morgin kl. 16.00-19.00 verður skúlin á Tvøroyri latin upp fyri øllum áhugaðum, har næmingar skipa fyri ymiskum, eitt nú jólakafe, jólabiografi við næmingagjørdum filmum, myndaboks og mangt, mangt annað.

Í morgin eftir kl. 10.00 fara næmingarnir á vitjan hjá borgarum + 80 á Tvøroyri. Við sær hava tey nakrar smákøkur, sum tey sjálvi hava bakað, og eina heilsan, og sjálvandi gleða tey seg eisini til at fáa eitt hugnalig prát.

Aftur

 

Ment, forritað og sniðgivið hava appnet